زكريات جميلة

مجموعة من الشباب فى ال28 من العمر يجلسون بمكتب شاب منهم ويتذكرون ايام الدراسة والضحك واللعب وذكرياتهم سويا ثم يتذكرون ايضا أيام الدموع للبعض منهم وتتوالى الاحداث الى ان تنتهى بحفل زفاف شب منهم .
الشخصيات:-
آسر :-احد هؤلاء الشباب يعمل باحدى شركات السياحة مع عمرو صديقه ومستقر فى حياته الى درجة كبيرة .
عمرو:-زميل آسر فى العمل وأصدقاء منذ الصغر ويجمعهم كثيرا من الاحداث والزكريات
خالد:- صديقهم الثالث مستقر فى عمله وحياته ولكن بعد ان نالت منه الهموم جانبا كبيرا من حياته.
كريم:-يعمل باحدى البنوك ولكنه غير مستقر فى حياته الزوجية بسبب غيرة زرجته.
عمر:-نجح فى ان يكون لنفسه عمل حر واعتمد على نفسه ووفى جدا لقصة حب قديمة لم تكتمل ولم يتزوج حتى الان وفاءا لحبيبته وشخصيته مرحة الى حد ما.
فرح:-زوجة كريم تغار علية لدرجة الجنون ولكن ليس هذا من فراغ ههو كثير الاخطاء
داليا:-احبها عمر لدرجة الجنون ولكن لظروف خارجة عن ارداتهم لم تكتمل قصة الحب
نور:- زوجة آسر حياتهما مستقرة نسبيا وهادئة
ريم :-زوجة خالد واجهوال الكثير من الهموم فى بداية حياتهم ولكنهما تحملا هذه الهموم معا ونجحوا فى حياتهم .
آية:- زوجة عمرو مخلصة الى ابعد الحدود وهذا هو سبب سعادتهم ولكن تندث بينهم المشاكل من وقت الى آخر
..................................................
هؤلاء الاصدقاء تجمعهم الكثير والكثير من الزكريات الجميلة وايضا تضمهم الدموع فى بعض الاوقات ولكن مهما حدث سيظلوا اصدقاء للابد.
.................................................................
(الحلقة الاولى )
يجلس الشباب بمكتب آسر ويبدوا على وجوههم الحزن كل فى عالمه ويقطع هذا الصمت صوت عمر.

عمر:- هو المرحوم كان غالى عليكم اوى كده....دا اللى فى عزى بتبقى حالتهم احسن من كده...........ايه يعنى كل واحد ضاربله خناقة فى البيت وواكله شبشبين خربت مالطة ما خربتش
آسر :- لا ياحبيبى اتكلم عنهم ما تجمعش انا الحمد لله لا عندى مشاكل ولا ان شاء الله هيبقى فيه مشاكل
كريم:-نقطنا بسكاتك يا عم الرومانسى انت وهو
عمر:- الله الله الله لا دا الموضوع كبير بقى
عمرو: ايه يا اخوانا انتوا هتستلموا الراجل ولا ايه
عمر:-يا عم لا هنستلموا ولا حاجة بس انتوا مش شايفيين وششوكم عاملة ازاى زكل واحد فيكم لابسلى وش كلب ومش طايق كلمة...........ايه نسيتوا زمان لو الدنيا كلها اكتئبت انتوا بالذات ولا كان فى حاجة بتفرق معاكم .................ايه نسيتم مصطفى كامل الثانوية بنين.........ايه مش فاكر 3/7 يا آسر انت والكابتن خالد
خالد:-ههههه ههههه فاكر ياد لما وكيل المدرسة فضل واقف قدام باب الفصل ثلث ساعة ينادى ويزعق ومفيش حد عبره.
آسر :-هههههه والباب ههههههه الباب كان مقفول بالقفل والرجالة عمالة طبل ورقص ولا حد هنا
عمر:- هههههههه ...وفين وفين على ما الباب اتفتح ودخل ويا ريته ما دخل علينا دا احنا كلنا علقة
...........................
وترجع بهم الزكريات الى الخلف 10سنوات فى مدرسة مصطفى كامل الثانوية بنين
الوكيل :- افتح يا حيوان منك ليه انت يا جزمة يا زبالة يا متخلف انت وهو
آسر:-ايه ده استنوا استنوا يا جدعان مين اللى بيخبط ده
خالد:- يا نهار ازرق دا الوكيل دا انا فاكر ان كل الرزع ده من العيال اللى بره
عمر:-بقولكم ايه الواد مصطفى جلال يفتح وكل واحد يقعد مكانه
مصطفى:- نعم.... انسى
ويفتح الباب ويدخل الوكيل وكان يستشيط غضبا وانهال فوقهم ضربا بلا رحمة
عمرو:- هههههه وانا معدى بالصدفة لقيت فصلكم كله بيطحن
آسر :- واللى يغيظك ان بعد كل دا العيال فضلت تضحك
عمر:-ههههههه والواد خالد ......الواد خالد ايده كانت باظت ونزل لعب الماتش اللى كان عندنا بايده دى اللى كانت متشرحة
خالد:-هو انا هنسى ربنا ينتقم منه
الشباب :هههههههههههههههههههههه

بعد ذلك يتذكر الشباب احداث هذه الفترة كل فى عالمه ولكنهم يلتقون بافكارهم دون ان يعلموا فكانوا جميعا يتذكرون هذه الايام وزكرياتهم سويا

حلوووووووووووووه اوى القصه دى ياسلام تسلم يامعلم ومنتظرين باقى الحلقات

تسلم يا حضرى وان شاء الله هنزلكم الحلقات الجاية على طول

مشكور ومنتظرين باقي الحلقات

ان شاء الله اكتبلكم قصة تعجبكم

ان شاء الله ياسلام ومنتظرينك فى باقى الحلقات

(الحلقة الثانية)

يسود المكان صمت طويل........فجميع الشباب يتذكرون الماضى

ثم يقطع عمر الصمت

عمر:-ايه يا جدعان وحدووووه

الشباب :- لا اله الا الله

عمرو:- ايه يا بنى فى ايه

عمر:-مالكم كل واحد رايح فى دنيا تانية ليه

خالد:-هههههههه......تصدق جه فى دماغى دلوقتى والله أيام الثانوية دى اه والله : فاكر لما كنا هنتفصل كلنا...هههههههه

آسر: -ههههههههههه ......اه لما المدير دخل علينا لقى كبس الكهرباء طاير

.........................................................

المدير :-ايه ده ايه اللى عمل فى الكبس كده

الجميع:-..................صمت تام

المدير:- يعنى محدش عايز ينطق ...طيب ماشى لو الكبس ده متصلحش بكره تريحونى لحد اخر الاسبوع النهاردة الاتنين 3 أيام فصل كلكم

آسر :بصوت منخفض- والله ما حد هيعمل حاجة

خالد :- يعملوا ايه يا بنى احنا هبل

يأتى المدير فى اليوم التالى ويجد الوضع كما تركه بالامس

المدير:- كده ماشى كل الفصل 3 ايام فصل

تريحونا بقى لحد اخر الاسبوع

( وبعد ان يخرج المدير)

الجميع: - هييييييييييييييييييييييييه

عمر: -والنبى ما تبقاش تتأخر علينا بقى

( وفى تلك الاثناء تدخل مدرسة الفلسفة)

المدرسة:-ايه يا ولاد فى ايه بتهيصوا ليه

عمر: -مش تباركيلنا يا أبله

المدرسة:- على ايه يا خفيف

خالد:- مش اتفصلنا

المدرسة :- وانتوا مبسوطين

على :- اه طبعا اهو هنريح لحد اخر الاسبوع

المدرسة:-انتوا يعنى فاكرينها اجازةاما انزل اشوفلكم صرفة فى المصيبة اللى نيلتواها دى

آسر: -والله ما انتى تاعبة نفسك

المدرسة:-اتنيل اسكت اما نشوف نصيبتكم دى

.......................................

آسر :- دا احنا كنا نعمل كل مصيبة والتانية والمدرسين اللى يلحقونا

كريم:-ههههههههههههه..طب فاكر انت بقى الليلة اللى الواد عمر جالنا فيها وهو مكتئب لما البنت داليا سابتــ............

(يتوقف كريم ويدرك مسرعا انه اخطأ)

( فقد قام بفتح جرح قديم لعمرلم ينساه عمر الى الان ...وفى هذه اللحظة يذهب عقل عمر الى لحظة لايمكن له نسيانها)

.....................................................

داليا :-( ببكاء شديد

عمر......انا بحبك اوى ومقدرش استغنى عنك ابدا بس اعمل ايه ....... اهلى مصممين اننا نسافر انا تعبانة اوى يا عمر وهموت من غيرك وعمرى ما هبقى لحد تانى غيرك

( تنطلق هذه الكلمات منها وهى تبكى بشدة ودموعها تنهمر على وجهها)

عمر: وقد بدأت دموعه تسيل على وجههه

وانا عمرى فى حياتى ما حبيت ولا هحب حد غيرك ولا عمرى هفكر فى حد تانى غيرك ...........

وعد منى عمرك ما هتفارقى خيالى ولا عمرى اى بنت هتملى عينى ابدا ومش هعيش حياتى غير ليكى انتى بس

( ويقبل عمر يدها ويتركها ويذهب ودموعه تزداد انهمارا..)

.......................................................
فى هذه اللحظة يفتح عمر عينيه على دموع قد ملأتها وانهمرت على وجهه فبادر ومسحها بسرعة البرق

كريم :- انا اسف يا عمر والله ما اقصد

عمر: ( بابتسامة يحاول ان يخفى بها حزنه

عادى يا معلم ولا يهمك

آسر : لسه بتحبها

...........................................................

مشكور اوي والله يا اسلام قصه جميله

قصة روعة يااسلام
ومزيد من الابداع

جاااااااااااااااااامد جدا ياسلام ومتظرين باقى الحلقات

شكرا ليكم يا جماعة وان شاء الله اكتب قصة تعجبكم

( الحلقة الثالثة)
آسر :- لسه بتحبها
عمر:-بابتسامة سخرية:
ههه: لسهه بحبها .......... انا عمرى ما نستها ولا عمرى هحب حد تاانى غيرها
خالد:-عشان كده لسه متجوزتش لحد دلوقتى
عمر:- ولا هتجوز حد تانى غيرها
عمرو:- بس الموضوع ده يابنى عدى عليه اكتر من 10 سنين
عمر:- حتى لو عدى عليه 100 سنة عمرى ما هنساها ..........وبعدين انتوا قلبتوها دراما ليه كده .........انا طالع اسكندرية
آسر: - دلوقتى
عمر:- اه دلوقتى ايه معملتوهاش قبل كده ..........قبل ما تجوزوا
ايام ما كان كل واحد فيكم حر نفسه يعنى
الشباب:- ههههههههههههه
عمرو:- هههههههه فاكر ياد لما طلعنا بعد سنة ثالثة فى الجامعة والعربية اللى كنا راكبينها الكوتش بتاعها فرقع فى الطريق الصحراوى والسواق مكنش معاه استبن
آسر:- هههههههههه وفضلنا واقفين فى الطريق الصحراوى اربع ساعات فى الشمس ومحدش عبرنا
كريم:- اه وفين وفين هههههههه.. على ما لقينا عربية وخدنا فلوسنا من الراجل وركبنا العربية التانية وسبناه فى الطريق يكافح مع نفسه بقى
عمر:- ههههههههه .... ها نطلع اسكندرية
آسر:- طب سبنا بكره بس نظيط امورنا كل واحد فى شغله وندوس معاك ..... ولا ايه يا شباب
الشباب:- الشباب تمام كده
عمر: ماشى
( ينصرف الجميع الى منازلهم ولكن فى الطريق تأتى لخالد مكالمة من ريم )
خالد:- الو ايوة يا ريم
ريم:- خالد بابا تعبان اوى وانا مش عارفة اعمل ايه احنا معاه انا وماما فى المستشفى عشان خاطرى تعاللنا على هنا
خالد:- طيب طيب اهدى خمس دقايق واكون عندك
( ويسرع خالد ليظل بجانب زوجته )

(يذهب آسر الى منزله الذى كان الى حد ما من اكثرهم استقرارا فى حياته)
آسر: - ازيك يا حبيبتى
نور:- الحمد لله ايه اتأخرت ليه ؟
آسر:- مفيش اصل عمر وخالد وكيم جولى انا وعمرو وقعدنا شوية......الولاد ناموا
نور:- لا الولاد عند ماماالنهاردة
آسر:-طيب ادخلى البسى احلى طقم عندك واسمحيلى اعزمك على العشى النهاردة
نور:- بابتسامة .. حاضر
( ولكن الحال كان على النقيد بالنسبة لكريم فقد كانت فرح قلقة كالعادة)
فرح :- كنت فين
كريم:- ايه ده طب قولى مساء الخير الاول
فرح:- كنت فين وتليفونك مقفول ليه
كريم:- كنت مع خالد وعمر عند آسر فى المكتب وبعدين انا نسيت افتح التليفون
فرح:- المفروض انى اصدق الكلام ده
كريم :- ايوة لان هو ده اللى حصل
...........فرح متخلقيش خناقة من الهوا
فرح:- انا مش بخلق خناقة من الهوا( وقد بدأت دموعها تظهر فى عينيها
المفروض انى اصدق الكلام ده وانت من بين كل 10 مرات بتكدب عليا فيهم مرة واحدة اللى بتبقى صادق فيها وانا عارفة......عارفة وساكتة
ينظر اليها كيم نظرة استغراب اكثر منها حزن وكأنها عرفت سر يخقيه عنها
( ونترك كريم ونذهب لخالد )
خالد :- انتى بس قلقانة ليه بقى دلوقتى هو مش الدكتور طمنك وقالك انوا خلاص هيخرج بكرة الصبح
ريم:- الحمد لله انا مش عارفة كنت اتصرف ازاى حاسة انى كنت تايهة من غيرك
خالد:- اوعى اسمعك تقولى كده تانىطول ما انا جمبك اوعى تقلقى من حاجة ابدا
ريم: -بابتسامة.....ربنا يخليك ليا انا هبات مه ماما النهاردة هنا
خالد:- صدقينى مالهاش لازمة الحمد لله اننا اطمنا عليه
ممكن نروح دلوقتى وبكرة ان شاء الله نجيله وهو خارج
ريم:- طيب ماشى.............انا هروح يا ماما وهاجى بكرة الصبح
الام: - ماشى يا حبيبتى مع السلامة
................................

جاااااااااااااااامد ياسلام
منتظرين باقى القصه ولا تتاخر علينا

ان شاء الله مش هتأخر

يا حلاقاتك بصراحه حلقه جميله جدا

كمل
ومنتظرين

قصة جميلة ورائعة شكرا لمجهودك

» قصة جميلة............
» مرايا جميلة لمدخل المنزل
» ديكورات منازل جميلة داخلية
» خش وشوف صور جميلة لفرناندو توريس
» البوم صور ساعات رجالية من Boss .. جميلة وانيقة جدا